Thursday, October 29, 2009
అరచేతిలో ఫంకా
బుర్ర పాదరసంలా పని చేస్తే... బోలెడు ఆవిష్కరణలు చెయ్యొచ్చు. అందుకు ఉదాహరణ తమిళనాడులోని విరుదునగర్ జిల్లా రాజపాళెంకు చెందిన అరుణ్ పాంఢ్యన్ (17). ఇతనికి 11 ఏళ్ళ వయసు ఉన్నప్పుడే బ్యాటరీ సాయంతో పనిచేసేలా అరచేతిలో పట్టేంత ఫంకా (ఫ్యాన్)ను తయారు చేశాడు. అరుణ్ తండ్రి గణేశన్ ఒక మిల్లులో పనిచేస్తున్నారు. తల్లి భవాని ఒక ప్రాథమిక పాఠశాలలో ఉపాధ్యాయురాలు. ఇక్కడి అన్నప్పరాజా స్మారక ఉన్నత పాఠశాలలో చదివిన పాండ్యన్ తన పాఠశాలలోని గ్రంథాలయ నిర్వాహకుడు సుబ్రమణ్యం సాయంతో ఎన్నో శాస్త్ర సాంకేతిక విషయాలు తెలుసుకుని ఆయనిచ్చిన స్ఫూర్తి, ప్రోత్సాహంతో ముందడుగేశాడు. తాను నేర్చుకున్న విషయాలను తనకంటే పై తరగతి విద్యార్థులకు సైతం బోధించాడు. ఇతన్ని ఆదర్శంగా తీసుకున్న పలువురు విద్యార్థులు తమ దృష్టిని పరిశోధనలవైపు మళ్లించారు. నవలోకమంటే ఎక్కడో లేదు. ఇక్కడే ఉంది.
# posted by worthlife @ 9:59 PM 
