ఇదిగో నవలోకం...

దీపావళి అంటే అందరికీ బాణాసంచా కాల్చాన్న ముచ్చట ఉన్నా బాంబులు పేల్చడానికి భయపడే వాళ్లే ఎక్కువ. అందుకే చెన్నైకి చెందిన సిలికాన్ ల్యాబ్స్ లిమిటెడ్ సంస్థ బాంబులను చిన్నపిల్లలు, ముసలివాళ్లు సైతం రిమోట్ ద్వారా పేల్చి వారి సరదాను తీర్చుకునేందుకు వీలుగా ఒక పరికరాన్ని రూపొందించింది. మీరు పేల్చాలనుకున్న బాంబు వత్తిని ఈ పరికరానికి ముందు భాగంలో ఉన్న చిన్న పెట్టెలో ఉంచి, రిమోట్ సాయంతో గరిష్టంగా 30 మీటర్ల దూరం నుంచి పేల్చవచ్చు. ఎన్ని సార్లయినా వాడుకొనేందుకు వీలుగా రూపొందించిన ఈ పరికరం ధరను రూ.1200గా నిర్ణయించినట్లు సంస్థ ఎండీ నారాయణన్ చెప్పారు. ఇది కావాలనుకుంటే...044-32542525, 22396762 నెంబర్లకు ఫోన్ చెయ్యండి.